منتدى الفرح المسيحى - ساعدنا يارب حتى لو قالوا علينا مجانين

https://upload.chjoy.com/uploads/17183488353341.jpg

آية وقفت قدامها شوية
"" لأَنَّنَا إِنْ صِرْنَا مُخْتَلِّينَ فَلِلّهِ""
(٢ كورنثوس ٥: ١٣)
حاليًا بنشوفه نجم متألق لكن زمان شافوه مختل ومجنون..
عمال ينادي ويوفر الخامات عشان يبني فلك،
عشان قال إييييه في حاجة اسمها ""طوفان"" هتهلكهم..
(قريت رأي بيقول إن لغاية الوقت ده ماكنتش السما مطرت قبل كدة).
. ففعلا ده جنون حقيقي، ناس ماشافوش مطر
وهو بيحذرهم من طوفان 😒
لكنننن استقامة نوح في الدعوة بانت للكل..
واستقامته في المقاسات وحرصه وضحت..
كل تفصيلة كانت بأمانة..
أنتم عارفين باقي الحكاية..

لكن اللي لازم نحط عليه الضوء النهاردة
هو 👈🏻إنسان زينا، بس لمعت استقامته في التبعية في وسط ناااااااس كتييييييير كلهم شايفينه غلط..
كان شغال والدعوة جواه حية، ماقدروش يموتوها بسخافتهم..
متخيل أن ٨ أفراد بس اللي نجوا!!
تخيل لو انت موجود كنت هتكون مع مين؟
مع ال ٨ المختلين ولا نهايتك هتكون مع الغرقانين؟!😔

ساعدنا يارب حتى لو قالوا علينا مجانين🥺