منتدى الفرح المسيحى - وبهمس بخجل واقوله وانا من الاشرار

https://upload.chjoy.com/uploads/171816537280131.jpg

فيه سؤال بنسأله دائما لربنا زي ما سأله ارميا زمان :

"لِمَاذَا تَنْجَحُ طَرِيقُ الأَشْرَارِ؟ " ار ١٢
ودائماً يصعب علينا و نزعل ونقول لربنا انت ليه بتعمل كدة ؟!

بس لما بفكر شوية …بلاقي اني انا برضو من الاشرار …
ما انا بعمل حاجات غلط كثير … وبلخبط كثير …
. وببعد عن ربنا وبعمل الشر كل يوم
"لأني أنا عارف بإثمي وخطيتي أمامي في كل حين
. لك وحدك أخطأت، والشر قدامك صنعت." مز ٥١

يبقي قبل ما اسأل لماذا تنجح طرق الاشرار ؟
اسأله ازاي بتحبني كدة رغم الخطية اللي فيا والشر اللي ماليني ؟!!
ازاي فيه امور كثير انا بنجح فيها وانا مستحقش ؟!!
ازاي ساترني ومبارك في عمل ايدي حتي وانا مقصر ؟!!

وبعد ما أسأل …أشكر …. وافرح … لانه بحكمته هو عارف بيعمل ايه .
واطمن لأنه ابويا حبيبي وانا غالي قوي عنده ❤️❤️

وبهمس بخجل واقوله وانا من الاشرار …
طَهِّرْنِي بِالزُّوفَا فَأَطْهُرَ. اغْسِلْنِي فَأَبْيَضَّ أَكْثَرَ مِنَ الثَّلْجِ. مز ٥١

طرق_الاشرار
لماذا
شكراً_يارب