منتدى الفرح المسيحى

https://upload.chjoy.com/uploads/171809936424641.jpg

كنت بحكي لصاحبتي عن حاجة مضايقني في الشغل
، وقالتلي اتكلمي مع المدير بس أنا عارفة شخصيته
هو بيحب تقوليله "أنا ده اللي مضايقني" و "ده الحل"..
هو بيحب كدة ف "روحيله ب حل"..

وبالصدفة تاني يوم في طريقي للشغل قعدة بصلي، بحكي مع ربنا عن موضوع تاني مضايقني اوي،
وبقوله "يا رب أنا جايلك وماعنديش اي حل!!"
وسكت كدة ثانية وحسيت من جوايا ب رااااااحة رهيبة؛
أنا قادرة اروح ل ربنا واتكلم معاه في مشاكلي
واللي مضايقني من غير ما يكون عندي حل!

عشان هو عنده ألف حل!
و حلوله عجيبة.. ليه طرق كتير…
فوق افكاري وحلولي وتوقعاتي..
يعني في الوقت اللي بروحله بالمشكلة
هو بيكون شغال اصلاً علي الحل…❤️

مش حاجة تطمن؟🤗🙏🏽