منتدى الفرح المسيحى - واحشني يا بابا يسوع ووحشتنى ايامى وانا صغير

https://upload.chjoy.com/uploads/171736157911811.jpg

واحشني يوم الاربع بالليل وانا قاعد بتفرج
علي وعظة البابا شنودة وفجأه الباب يخبط ..
والاقي الخدام جايبنلي شمعدان احمر وبيقولولي :
هنستناك يوم الجمعة ف مدارس الاحد
..
واحشني ريحة الفجر وانا رايح القداس ونفسي اكون اول واحد يدخل الكنيسة..
..
واحشني عصر يوم الجمعة وانا ف مدارس الاحد
( ابانا الذي اللي كنت بتلخبط فيها _ رحلة جميلة ويا يسوع _ انا الحوت _ المعطي المسرور يحبه الرب )
..
وحشني العيد الصبح وانا لابس اللبس الجديد
ورايح الكنيسة طاير م الفرحة..
..
وحشتني حصة الالحان ودرس القبطي و المهرجان و بيت الكنيسة ..
..
وحشوني الخدام اللي علموني ازاي اصلي .
. وازاي اصوم .. وازاي اروح الكنيسة اصلآ ..
..
وحشوني صحابي بتوع زمان .. صحاب ابتدائي .
. اللي معرفش دلوقتي راحوا فين
..
وحشتني السنين الأولي .. والبراءة الأولي ..
واحشني ربنا لما كنت بقوله بابا يسوع ..

واحشني يا بابا يسوع ❤✨