منتدى الفرح المسيحى - أشكرك يا إلهي الحي لأنك مازلت تنجي

https://upload.chjoy.com/uploads/171653641859641.jpg

أعظم ملوك الأرض ليلتها كان في قصره صايم
وقلقان ومش جايله نوم😰 وجري الصبح عشان يطمن عاللي حصل🤷🏻‍♀️
لكن "عبد الله الحي" أو دانيال كانت ليلته مختلفة،
قضى ليل في جب أسود لكن في حضرة ملاك الرب🤩..
وبنفس المفارقة افتكرت بطرس لما نااااام طول الليل
في سلام جوا السجن، مع إن هيرودس كان هيموته الصبح...

مهما كان شكل الأسود حواليك، أو طول الليل،
أو السجن اللي انت متكتف فيه افتكر الكلمات
اللي طلعت كشهادة من الملك داريوس: "
هُوَ يُنَجِّي وَيُنْقِذُ وَيَعْمَلُ الآيَاتِ وَالْعَجَائِبَ
فِي السَّمَاوَاتِ وَفِي الأَرْضِ. هُوَ الَّذِي نَجَّى دَانِيآلَ مِنْ يَدِ الأُسُودِ".
(دانيال ٦: ٢٧)

افتكر كل صعوبة بتعدي فيها وقول كدة
"هو ينجي وينقذ ويعمل الآيات"
قول لكل موقف مالوش حل وخلاااااااااص مفيش أمل: "
هو ينجي وينقذ ويعمل الآيات"
قدام الضغوط المادية والنفسية: "هو ينجي وينقذ ويعمل الآيات"
قدام المرض: "هو ينجي وينقذ ويعمل الآيات"

أشكرك يا إلهي الحي لأنك مازلت تنجي وتنقذ وتعمل الآيات.💜