منتدى الفرح المسيحى - أَنْتُمُ الَّذِينَ ثَبَتُوا مَعِي فِي تَجَارِبِي

https://upload.chjoy.com/uploads/171645276729051.jpg

في ايه بتقول
( أَنْتُمُ الَّذِينَ ثَبَتُوا مَعِي فِي تَجَارِبِي،" (لو 22: 28).
لو وقفنا عندها شويه هاتلاقي ان الفكره ان وسط التجارب في ناس كتير
بس مين اللي فضل للآخر وده المهم
وسط الهموم والمشاكل في ناس كتير حوالينا
لكن مين (ثابت)عارفين قاعات العزا
زحمه وناس
بس هو مين ثابت مع الشخص الحزين كلها سلامات
اوقات في تجاربنا في ناس كتير حوالينا بس حاجه اسمها
(تقضيت واجب)
لكن في ناس في تجاربك ثابتين ماتحركوش مهما حصل
مهما انت زعلت وغضبت ومودك اختلف بسبب تجاربك الشديده هما لسه ثابتين
مهما ضعفت واتكسرت واتغيرت هما لسه ثابتين معاك
مهما اتحولت من إنسان لانسان صعب بسبب ضغطك
هما جنبك وثابتين لحد ما ترجع حد احسن من الاول
أَنْتُمُ الَّذِينَ ثَبَتُوا مَعِي فِي تَجَارِبِي،" (لو 22: 28).
الأجمل من اني أطبطب علي حد في تجربته
اني اثبت معاه لحد ما يقوم من تجربته