الإنفيوزوريا هي

عبارة عن كائنات دقيقة أحادية الخلية تفيد الاسماك و خاصة الولدة بنسبة عالية من البروتينات و العناصر المفيدة الاخرى لنمو سليم لولدة أسماكك.

و الحقيقة هي كائنات تصلح لجميع ولدات الاسماك و مفيدة أيضا بالاضافة انها اصغر حتى من فقس الجمبري( الارتيميا)!!! و ده بيؤهلها انها تكون من ضمن المغذيات الرئيسية و المهمة لولدة الاسماك.

تحضير الإنفيوزوريا:

الانفيوزوريا اساسا موجودة في مياة حوضك و لكن بنسب قليلة جدا

و طريقة تحضيرها سهلى جدا!

مجرد انك تملا برطمان بلاستيك شفاف او ازاز لنصه من مية الحوض بتاعك و تغمر في المية دي قش او حشيش( حشيش الجناين يا اخوانا)

او حتى اي ورق أخضر زي الخس, و تسيب البرطمان ده لمدة اسبوع في الشمس, و بعد كدة هتلاقي المية بدأت تغيم و ده نتيجة لتكاثر الإنفيوزوريا في البرطمان و ساعتها تقدر تضيف المية بالإنفيوزوريا في حوضك و برضة مع غلق الفلتر لعدة ساعات!

الطريقة دي ممكن تنفع للسمك الكبير و الولدة كمان.