منتدى الفرح المسيحى - وصيتى الاخيرة

https://upload.chjoy.com/uploads/171580934417311.jpg

كان جدي كبير العيلة وله مكانة خاصة أوي فى قلوبنا كلنا. كنا بنحبه أوي😍
وفجاءة تعب وطلب يشوفنا، جرينا كلنا🏃🏻‍♀️ واتجمعنا حواليه، وبدأ يقولنا وصيته الأخيرة 🥺
بالنسبالي دي كانت اغلي كلمات، عمري ما هنساها،
لأنها كانت اخر حاجه يقولها وأكيد أهم حاجة فى قلبه شاركنا بيها🤍
وده خلاني أسأل نفسي: 🤔
تخيل معايا لو دي أخر مرة هتشوف شخص بتحبه أوي
هتقوله إيه ؟!❗
هتقوله أهم حاجة عندك
وصيتي ليك.......... ✍🏻
و ده اللي عمله المسيح مع التلاميذ، قالهم وصيته الأخيرة📖
"فَاذْهَبُوا وَتَلْمِذُوا جَمِيعَ الأُمَمِ وَعَمِّدُوهُمْ بِاسْمِ الآب وَالابْنِ وَالرُّوحِ الْقُدُسِ." (مت ٢٨: ١٩)
وبما أنها كانت الأخيرة، فهي أغلى حاجة فى قلبه👌🏻
قالهم على مهمه وهدف 🎯
عاوز أفكرك النهاردة وسط كل مشغوليات الحياة ليك عنده رسالة (مهمه) تعملها ❤️
أوعي الحياة تأخدك وتنسي وصيته العظمي.