منتدى الفرح المسيحى - شايف إنك ابني❤️

https://upload.chjoy.com/uploads/171552269586611.jpg

قولتله: أنا مهزوز، ومتلغبط في نفسي
، مش عارف أنا أيه بالظبط، كويس ولا وحش،
ناجح ولا فاشل، والناس لغبطوني ف نفسي اكتر،
فيهم اللي شاف إني شرير روايته،
وفيهم اللي شايفني قديس روايته!
انت بقى شايفني ايه وازاي؟
قال لي: شايف إنك ابني❤️
انبسطت بالكلمة.. بس اكتشفت انى عمري ما فكرت ف معناها!
كمل وشرح لي.... وقال لي.. عايز تفهم؟
بص ع الأم اللي بتشيل انسان جواها لشهور.
. وبعدين يجي للحياة وتشوفه قصادها وبين ايديها❤️
انت دايما مشغول بالتقييم.. مشغول ب أنت ايه وحالتك ايه،
ومعاك كام، وانجزت ايه، ووصلت لفين، أما أنا فمشغول بهويتك.
. يعني مشغول ب أنت مين... بالنسبة لي. فأنت أبني❤️
أبني.. يعني حتة مني.. بتتحرك قدامي في الحياة.
جايز يغلط.. وجايز يعمل الصح.. لكنه دايمًا وفي كل الاحوال حبيبي، ويخصني، وينتمي ليَّ، وساكن مع يسوع في حضني❤️
"لأَنَّنَا أَعْضَاءُ جِسْمِهِ، مِنْ لَحْمِهِ وَمِنْ عِظَامِهِ." (أف 5: 30).
فلو عايز تعرف أنت مين.. وماتتلغبطش.
. افتكر وخلي قيمتك دايمًا في الحقيقة الثابتة
اللي ما بتتغيرش.. إنك إبني❤️
حضن_الأب