منتدى الفرح المسيحى - زوادة اليوم: ما تيأسوا 2024/5/1

زوادة اليوم:
ما تيأسوا !

https://upload.chjoy.com/uploads/17141976605971.jpg

بيخبرو عن زلمي كان عم يُحفُر بمنجم ذهب بس بعد ما حفر كتير
و ما لاقى شي و تِعِب كتير قرّر يوقِّف
و قال ما في شي هون ضيعان التعب و باع معدّاتو لرجّال تاني.

هالمتعهِّد الجديد إستشار مهندس اللي درس الموقع
و قلّو إنّو الذهب بعيد ٥ أمتار عن ما وقف الزلمي الأوَّل حفِر!

و هيك لاقى المتعهِّد الكنز!

لو صبر شوي و ما سمح لليأس يسكن قلبو كان رح يكون الذهب
من نصيب اللي بلّش الحفر!

الزوّادة بتقلنا :

ما تيأسوا و ما تفقدوا الأمل
و ضلكُن مصرِّين تحقِّقوا أحلامكن
و تذكَّروا إنّو الربّ ما بيزرع بقلبكن طموح
إلّا إذا مأكَّد إنكن قادرين تحقِّقوه بِغَضّ النظر عن الطريق
و صعوباتها... والله معكن.