منتدى الفرح المسيحى - دوقوا الشمامسه المسيح علشان الألحان تطلع بينا للسما

https://upload.chjoy.com/uploads/171359820378791.jpg

واحنا داخلين علي أسبوع الالام عاوز أقول كلمتين
عارف لما يبقي في فيديو شماس صغير بيقول
لحن طويل وبصوت عالي فتلاقي جمله علي الفيس بتتقال
(طول ما في أطفال زي كده جوه الكنيسه أوعي تخاف )
طب معلش لا اخاف واترعب كمان !!!!
اخاف يوم مايبقي الطفل حافظ مش فاهم
اخاف يوم ما يبقي الطفل اتربي انه يبقي عنده ذات انه يقول وحافظ
اخاف لما يبقي الطفل فاكر ان العلاقه مع الله انه حافظ ألحان طويله
اخاف لما يبقي الطفل فرحان بنفسه وبصوته وانا أشجعه علي كده
اخاف ان الطفل يبقي فاكر ان التسبيح لله
هو هزات غير مفهومه وقلبه مش مرفوع بالصلاه
اخاف لما يبقي الطفل مش عايش اللحن لكن حابب النغمات
🚫👍نصيحه
حلو جدا أننا نعلم ولادنا الحان وتسبحه بدل الأغاني
والكلام الفاضي ولا زم نشجعهم جدا ونفتخر بيهم
ولكن…
علموا الأولاد عمق الروحي للحن قبل هزات اللحن
علمه يدوق ربنا في النغمات مش يدوق حلاوه صوته
علمه يشوف فرحه قلب الله من تسبيحه
مش فرحه كلام الناس علي صوته وحلاوته
ساعتها مش هاخاف
ارجوكم دوقوا الشمامسه المسيح علشان الألحان تطلع بينا للسما