منتدى الفرح المسيحى - زوادة اليوم: بينَك و بين الله 2024/4/11

زوادة اليوم:
بينَك و بين الله
https://upload.chjoy.com/uploads/171246652132621.jpg
بيخبِّر شبّ عن عبارات غيَّرولو حياتو شافُن مكتوبين
عا حَيط مَيتم بالهند :

إذا كنت شخص منيح و طيِّب الناس
يمكِن يتِّهموك إنُّو عندَك نوايا مخبّاية و إنَّك عم تمثِّل..
. بس كون طيِّب و منيح بكلّ الأحوال.

الإِشيا اللّي بتاخُد معَك سنين تا تبنِيها بيقدَر يجي حدا
بثواني يدمِّرها متل بيت، شغل أو حتَّى يمكن ثِقتك بحالَك!..
. عمِّر و أسِّس و طوِّر بكلّ الحالات.

الخير اللي بتعملو اليوم يمكِن يِنسوه الناس بكرا و ما يبيِّن...
بس اعمول خير بكلّ الأحوال.

عاطول عمول كلّ شي بتقدَر عليه و حط طاقتَك كلها
حتّى لو الناس قالوا إنّو اللي عملتو ما بيكفي!

بس ضَل قدِّم كل شي عندَك بكلّ الأحوال!

بالنهاية... هالإشيا مش بينَك و بين الناس
و لا إنت مضطَر ترضيهُن، كل شي بينَك و بين الله
و رِضاه هوِّي الأهَمّ ! فكِّر فيها... و الله معك