منتدى الفرح المسيحى - حتى في وقت ضعفي وبُعدي هو يبقى آمين

https://upload.chjoy.com/uploads/171270130415831.jpg

مع الوقت اكتشفت أن كتير بوصل لدرجة الغليان
مش علشان بس ظروف صعبة أو ضغط أو مرض
لكن كمان بسبب أفكار وتعليم غلط
، منها مثلًا أني عشت سنين بتعلم أن الله هو الراعي والأب
القادر القدير ولو أنا ابنه أنا محمي ومتشال بس- ايوه -
وبقت دي أفكاري عن الله وعن نفسي،
فلما دخلت فى وقت صعب واتالمت واتظلمت وحسيت أني بتخبط.. اتصدمت!!!
إزاي كل ده يحصلي ؟؟ إزاى اتساب؟؟ إزاى اتوجع؟؟
ولأني بتاع كنيسة وفاكر أني عارف ربنا كويس
... مسألتش ربنا ولا طلبته لكن طبعًا لومت نفسي
... لأنى لو كنت ابن ربنا بجد كنت هتمتع بالحماية والراحة،
ووصلت فعلًا لدرجة الغليان من كتر اللي بيحصل!
وبقيت مش عارف أناوحش ليه
ولا إيه اللي ناقص معملتوش عشان أنال بركات المؤمنين
دي اللي عرفت عنها من زمان..
قررت أبعد عن ربنا وأعترف أني ماستحقش أي حاجة حلوة منه،
لحد ما جيه اليوم اللي سمعت تعليم مختلف
، وعرفت أني محتاج أفحص كل تعليم
، أدور ورا كل حاجة وأفهم وأصلي.
ففهمت أن الله مش بيمنع عني الشر ولا بيجبهولي
، لأن العالم وضع أساسًا في الشرير،
لكن هو معايّ في كل الأحوال، مش لما أكون كويس
وباعمل طقوس وفروض
لكن حتى في وقت ضعفي وبُعدي هو يبقى آمين 💙💙