منتدى الفرح المسيحى - صايم؟ وريني لسانك😛

- صايم؟
= أيوة
- وريني لسانك😛

https://upload.chjoy.com/uploads/171238439167081.jpg
أكيد سمعت الحوار ده أو كنت طرف فيه وأنت صغير..
وبنحاول نثبت إننا صايمين عن طريق منظر لساننا
اللي بيقول إن مافيش أكل جه عليه.🧐
والثقافة اللي حوالينا فرضت علينا نتأكد دايمًا
أثناء الصوم من اللي بيدخل معدتنا..
مهتمين جدًا بنوع ومكونات الأكل،
بندقق مين صايم انقطاعي ومين ماقدرش يكمل.🍽️

ودي نفس نظرة الناموس والطريقة اللي كان اليهود بيقيموا بيها بعض.
لكن المسيح جه وعكس المبدأ ده، لما قال: المشكلة مش في اللي بيدخل للإنسان لكن في اللي بيخرج منه.🗣️

القصة مش قصة أكل.. لكن توجه قلب🎯

وبكده الحوار اللي بدأنا بيه ممكن يتعدل..
- صايم؟
= أيوة
- وريني لسانك.. اللي مش بيشتم
ولا بيغلط في اللي حواليه ولا بينّم عليهم ولا بيذم فيهم..
وريني لسانك اللي بيتكلم بالحق
وكلام خارج محسوب وليه لازمة والناس تحب تسمعه..
وريني أفعالك وتصرفاتك اللي تشهد عن إلهك
مش اللي تقول إنك شاطر وجامد وبتعرف تصوم.🙏

الصوم