منتدى الفرح المسيحى - تخيل مجرد خيال

https://upload.chjoy.com/uploads/171234553521611.jpg

مجرد خيال.……………. ولا اقولك؟ شكله حقيقه

تخيل كده بس خيال،،،، انك وقفت قدام ربنا بكل جلاله
و قلت له انا مش هاتحرك من هنا الا لو ايدك في ايدي.
مش هاعملها ولا هاتزحزح من هنا الا لما تسبقني
انت الاول و رجلي تبقى ورا رجلك
طب تعالى نطمح و نشطح بخيالنا…….....
. و افترض ان ربنا قالك انا موافق
و هاعمل اللي انت طلبته و زياده
فك بقى الحبل خالص و خلي خيالك يطير...
و قمت قلت لربنا (بس بقلب ساجد)
انا عايز اشوفك وجها لوجه كده!!!!!

ماتتخيلششش..... ده اللي حصل بالحرف مع موسى
و ربنا رد على موسى و قاله عايز تشوفني يا موسى؟؟

انا اقولك تشوفني ازاي!..
تشوف وجهي لما تشوف رحمتي و خيري الكتار اوي
بارحم بيهم اللي انا عايز ارحمه و افيض بخيري على اللي انا عايز افيض بخيري عليه.
ربنا رد على موسى و قاله: "فَقَالَ: «أُجِيزُ كُلَّ جُودَتِي قُدَّامَكَ.
وَأُنَادِي بِاسْمِ الرَّبِّ قُدَّامَكَ
. وَأَتَرَاءَفُ عَلَى مَنْ أَتَرَاءَفُ، وَأَرْحَمُ مَنْ أَرْحَمُ»." (خر 33: 19).
الفرق بين الخيال و الحقيقه ان الخيال خيال انسان
و الحق هو حق الله نفسه
الله مستعد يكون بنفسه بكل جلاله و قدرته و خيره معاك
لو انت عايز تطيع وصيته و تصنع الرحمه في حياه الناس اللي حواليك
الله هايكون قدامك و جانبك و حواليك باكثر من خيالك لما تكون برا نفسك،

اطلع برا في شمسه و في نوره
اطلع برا اهتماماتك فقط و قلقك على بكره
اطلع برا و شوف النور اطلع للناس و ساعدهم عشان تشوف يسوع.