منتدى الفرح المسيحى - زوادة اليوم: ما تخافوا شو ما صار 2024/4/5

زوادة اليوم:
ما تخافوا شو ما صار !

https://upload.chjoy.com/uploads/171186186925521.jpg

بيخبرو عن شب تكسَّر المركب اللي إلو بالبحر
و لاقى حالو عا جزيرة وحدو..

هوّي مؤمن كتير قام شكر الله و راح يفتِّش إذا بيلاقي مَي أو شي نباتات ياكِلن ما لاقى شي.

صلَّب إيدو عا وجّو شكر الله و راح جمَّع الخشبات
اللي باقيين من المركب عمَّر فيهن خيمة زغيرة يقعد فيها بالليل.

قُويِت العاصفة و رعدت و برقت، نزلت زاعقة بالخيمة وإحترقت!!

تطلّع هالشب صوب السما بعَتَب و قال :

يا ربّ رضيت بكلّ شي قبل بس ليش صار هيك هلّق!!

بعد شوي بتغطّ مروحيِّة عالجزيرة و بيسمع صوت ناس عم تصرخ :

مين في هون؟؟

ركض لعندن و سألن كيف لقيوه بعد ما قطع الأمل!

قالولو إنّن شافو نار و عرفو إنّو في حدا بحاجة لمساعدة!

ما تخافوا شو ما صار يمكن ما نفهم هلَّق
بس الله بيعرف أكتر و بيحِبنا كتير!

"كل الأمور تعمل معًا للخير للذين يحبون الله"

(رو ٨ : ٢٨)