منتدى الفرح المسيحى - خليك امين حتى فى اصغر حاجة بتعملها

https://upload.chjoy.com/uploads/171227127370251.jpg

كان فيه خدمة بسيطة اسمها خدمة الموائد
اللي هي خدمة الأكل والشرب🍱،
الرسل شافوا انها مينفعش تعطلهم عن خدمتهم
بالإنجيل فقرروا يختاروا 7 أشخاص👥
هما اللي يخدموا الخدمة دي، وكان اول واحد من ال 7 دول
هو استفانوس🧔‍♂️.

استفانوس مشافش أن دي خدمة بسيطة أو حاجة مش كبيرة زي اللي بيعملوها الرسل وقال يعيش حياته ويعمل
اللي هو عايزة وكدة كدة خدمته صغيرة🤏🏻
لكنه كان مشهود ليه وبيتقال عنه في عدد 8
أنه مليان ايمان وقوة وأنه كان بيعمل معجزات عظيمة في الشعب💪🏽

لدرجة انه ناس خافت من تأثيره وحبت تخلص منه
لكن بيتقال انه الناس دي مقدرتش تقاوم الحكمة اللي عنده🙄 "
وَلَمْ يَقْدِرُوا أَنْ يُقَاوِمُوا الْحِكْمَةَ وَالرُّوحَ الَّذِي كَانَ يَتَكَلَّمُ بِهِ." (أع 6: 10)
واضطروا في الاخر انهم يجيبوا شهود كذبة يشهدوا ضده 🥺

واترجم استفانوس بعد ما عاش حياة مؤثرة كان فيها قد الأمانة
اللي اؤتمن عليها حتي في ابسط وأصغر حاجة🙏.

محتاجين أحنا كمان نتعلم من استفانوس إزاي نكون أمناء
حتى في أصغر حاجة بنعملها، علشان نسمع في يوم من الأيام:
"نِعِمَّا أَيُّهَا الْعَبْدُ الصَّالِحُ الأَمِينُ! كُنْتَ أَمِينًا فِي الْقَلِيلِ
فَأُقِيمُكَ عَلَى الْكَثِيرِ. اُدْخُلْ إِلَى فَرَحِ سَيِّدِكَ." (مت 25: 23)