منتدى الفرح المسيحى - الله أبويا متحكم في كل شيء

https://upload.chjoy.com/uploads/171208632433661.jpg

وقفت الصبح قدام كلمتين في قصة يوسف..
“وَلَكِنْ {لَمْ يَذْكُرْ} رَئِيسُ ٱلسُّقَاةِ يُوسُفَ بَلْ {نَسِيَهُ}.”
*الراجل أولا مجبش سيرة يوسف ولا أتكلم عنه
وكمان نسيه وموقفش جنبه ولا سنده

خد الأصعب بعدها يقول كده
“وَحَدَثَ مِنْ بَعْدِ سَنَتَيْنِ مِنَ ٱلزَّمَانِ أَنَّ فِرْعَوْنَ رَأَى حُلْمًا:.."
يعني فضل تاني بعدها سنتين في السجن
يا ترى كان بيفكر في إيه؟ كان حاسس بإيه؟ سنتين😳

صديقي كتير بنتوجع لما الناس مش بتدينا الفضل
في حاجات اتسرقت مننا أو مش بيجيبوا سيرتنا بطريقة كويسة
وكتير بنتوجع لما الناس أصلاً بقى بتنسانا
ومش بتفتكرنا أو مش بتهتم بينا 🙄

أشاركك مشاركة شخصية: الموضوع ده فضل سنين
بيوجعني ويضايقني. وبحس أني مش باخد حقي
وكمان منسي ومظلوم😕
والأصعب لما الوقت بيطول في السجن والحبس والعزلة⛓

لكن عارف فوق العالي أعلى
في واحد عالم وعليم وشايف
وهيستخدم التجاهل والنسيان والهجر والوجع والظلم وكله عشان يصنع الأفضل مش بس لمستقبلك وليك شخصياً لكن للخطة الأوسع
اللي هو عايزها☝️

ماعرفش السنتين بتوعك إيه هما..
ماعرفش مين إللي سرق منك إيه..
ماعرفش مين نسيك..
ماعرفش إيه وجعك..
أعرف حاجة واحدة بس الله أبويا متحكم في كل شيء