منتدى الفرح المسيحى - ما أنا عادي أهوه

https://upload.chjoy.com/uploads/171140092951171.jpg

ما أنا عادي أهوه
إحساس بالضغط ... عادي
إحساس بالضيق ... عادي
إحساس بالزهق ... عادي
إحساس بالظلم .... وماله

يمكن بنمر في أوقات كده بنحس فيها بالكلام ده، بس لحد إمتى!!

لحد إمتى هتبقى مضغوط في شغلك وفي بيتك
ويمكن في كنيستك كمان!

لحد إمتى هتبقى مش عارف تعيش حياتك
من غير ما تكون حاسس بالضيق!!

مش ده الطبيعي ولا ده اللي المفروض تعيشه،
لأن أنت مش مخلوق للبهدلة..
أنت محبوب
أنت ليك كرامة وسلطان..

الله إله الكون بيحبنا وبيقربنا منه
بكل الخير والرحمة
قوم أرفض كونك اتعودت على ده
بكل القوة والسلطان اللي عندك..