منتدى الفرح المسيحى - إزاي إنك تبقي قوي وحنيّن ومَتبقاش قاسي وضعيف

https://upload.chjoy.com/uploads/171139624346541.jpg

فيه فرق كبير جدًا بين القُوّة والقَسوَة .!
Strength is not cruelty

القوة هي إنك تقوَي علي أي حاجة بتضعفك ..
لكن القسوة بتضعف القوة الرَبانيّة اللي فيك !

القوة هي إنك تنجح ومتخافش من الفشل ..
لكن القسوة هي الهروب من النجاح وقبول الفشل !

القوة إنك تقوم تاني من بعد الوقوع ..
القسوة إنك تفضل زي مانت وتبقي أوحش !

القوة في إنك تتصالح مع نفسك وتقبلها
وتشتغل عليها لغاية لما توصل لأفضل نسخها منها ..

لكن القسوة وحشة أوي ..
بتأذي صاحبها قبل ما تأذي غيرها ..
القسوة إنك متبقاش رحيم وحنيّن ..
إنك في وقت تقدر تعمل حاجة حلوة ومتعملهاش ..

القَسوَة يعني جحود ، وقلوب حجرية
يعني طبع وحِش مَحدش يستحمله ..!

القُوّة ضد القَسوَة ، لأن القَسوَة ضعف .!
علشان كدة حاول تفرّق :
إزاي إنك تبقي قوي وحنيّن ومَتبقاش قاسي وضعيف !
-