منتدى الفرح المسيحى - ده الطلب اللي بيطلبه بولس من أهل فيلبي

https://upload.chjoy.com/uploads/171121935572141.jpg

"افرحوا"🤩
ده الطلب اللي بيطلبه بولس من أهل فيلبي.

-طيب أمتى؟🤔
يقولهم "كل حين"، يعني في أي وقت افرحوا

-طيب إيه الحاجات اللي تفرحنا؟ 🙄
يقول "لا تهتموا بشيء"،
يعني متقلقوش من أي حاجة أيًا كانت لأن القلق بالتأكيد بيسرق الفرحة

-طيب ولما تيجي حاجات تقلق؟🥺
يقولهم "صلوا" علشانها واشكروا

-طيب يصلوا، ولما اللي بيصلوا علشانه يحصل بيقي يشكروا!!🙃
لأ هو بيقول "بالصلاة والدعاء مع الشكر"

-طيب إيه اللي يخلي الواحد يشكر
وهو لسه اللي بيصلي علشانه متحققش؟😟
يكمل الآية ويقول "لتعلم طلباتكم لدي الله"،
يعني احتياجاتكم وظروفكم الصعبة اللي بتصلوا علشانها
هي معروفة عند الله.

🌟ودي حاجة تطمن لأنه حتى وأحنا لسه مستنيين
، الله بيملانا بسلامه اللي يفوق كل عقل
يعني منعرفش نتخيل السلام ده جاي لينا إزاي،
لكنه يقدر يحفظ قلوبنا وأفكارنا بعيدة عن أي قلق وخوف😇🙏🏻