منتدى الفرح المسيحى - كل ما تشوف عصفورة أضحك

https://upload.chjoy.com/uploads/171106063027841.jpg

الطيور ولا بتزرع .. ولا بتحصد .. ولا بتحوش حاجة
. هما بيصحوا كل يوم الصبح يفتحوا بقهم ياخدوا خير من يد الله!
تفتكروا اللي عايل الطيور وبيبعتلها احتياجها اليوم بيومه .
. مش هايعرف يسدد احتياجنا احنا كمان؟
يسوع طلب مننا نتأمل حياتهم البسيطة ونعرف اننا أفضل منهم ..
زي ما احنا بنتابع الدولار وبنتابع اخبار الاقتصاد والظروف اللي حوالينا
.. مطلوب مننا برضو نبص لفوق ونفتكر طول الوقت ان اللي بيأكل الطير
اللي طاير في السما ومهتم بيه .. مستحيل ينساني .. أو ينساك ..
ماتخليش حاجة قيمتها بتطلع وبتنزل .. دولار بقى أو جنيه ..
تأثر على إيمانك بوعود الله.
خير الله المبعوت لحياتك مالهوش علاقة بالاقتصاد .
. الله بيقدر يعمل بالقليل كتير .. وهايديك كل اللي يخليك تكمل .
. وتعيش .. وتضحك .. وتفرح .. وتشبع .. وتتشهد عن امانته ..
ابتدي يومك وانت فاكر ده .
. وكل ما تشوف عصفورة .. أضحك ..
عشان ربنا ببعتلك معاها رسالة تشجعك.