منتدى الفرح المسيحى - نصيحة وطمأنينة

أحد الكُنوز ..
وربنّا قدِّم لينا حاجتين : نصيحة وطمأنينة

https://upload.chjoy.com/uploads/171078795764911.jpg

• ( لا تكنزوا لكم كنوزا على الأرض )
يعني محدش هياخد معاه حاجة .. مهما حوّشتوا .!
يعني ميبقاش كل همكم في الفلوس وبس

• ( بل اكنزوا لكم كنوزا في السماء )
يعني متنسوش الملكوت اللي مفهوش لا صدا ولا سوس

• ( حيث يكون كنزك هناك يكون قلبك أيضا )
يا سلام .. يعني قلبك هو كنزك الحقيقي اللي هتتكافيء عليه
طيبته .. حِنيته .. نقاءه .. حُبه للخير وللغير

متحوشوش فلوس اللي في أي وقت
هتسيبوها وتمشوا ومش هتنفعكم .!

حوّشوا ذكريات - حوّشوا كلام حلو - حوّشوا ضحك
- حوّشوا سمعة حلوة - حوّشوا نجاح -
حوّشوا من الصبر والألم والظلم أكاليل ..
حوّشوا جبر خواطر - حوّشوا ولاد متربيين وصالحين وأسوياء - حوّشوا ضمير صالح - حوّشوا عيلة وصلة رحم وعزوة تنفع في الشدّة والفرح

ربنا في إنجيله النهاردة بيقولنا كلام يطمِّن :
أقول لكم : لا تهتموا لحياتكم .. "متخافوش"
انظروا إلى طيور السماء ، إنها لا تزرع ولا تحصد
ولا تجمع إلى مخازن ، وأبوكم السماوي يقوتها .
. ألستم أنتم بالحري أفضل منها .!

اللي عدي إمبارح هيعدي النهاردة وبكرة؛ وحياتنا في إيده ومشيئته
-