منتدى الفرح المسيحى - واغلق الرب عليه

https://upload.chjoy.com/uploads/171062281862751.jpg

زمان وأنا صغيرة لما كنت بسمع قصة نوح
وقد أيه ربنا حفظه وحماه هو وأولاده من الطوفان
كنت دايمًا أقول إزاى نوح ده شاطر كده؟
هو إزاى نفذ كلام ربنا بالحرف وعملها مظبوط بالملي
مقاسات وأبعاد وارتفاع؟
لكن مع الوقت عينيّ اتفتحت على أنه مش بشطارته
ولا دقته وحرفيته فى التنفيذ، هي اللي خلت الدنيا تمشي كويس ...

لكن عشان نوح سمع كلام الله وصدق فيه
ومشى وراه مع أنه كان يبان قدام الناس أن تصرفاته
مش منطقية لكن هو مااهتمش بكلامهم بل بالعكس
حاول يساعدهم وينبهم عن الهلاك اللي جاي..
ويجي الكتاب يقول في تكوين (١٦:٧)
"وَأَغْلَقَ الرَّبُّ عَلَيْهِ" هي دي الحماية..

أيوه إحنا محميين ومحفوظين مش علشان شطارتنا
لكن لأن الله هو اللي مسيج حوالينا وبيحفظنا وبيحمي خطواتنا
صدق فى الحماية الإلهية في كل يوم وكل وقت
وكل خطوة بتمشيها هو معاك ..