منتدى الفرح المسيحى - أطلبوا منه علشان هو بس اللي لا يُعيّر أحدًا

https://upload.chjoy.com/uploads/171057278440811.jpg

أحلي دعوة بتقولها وبتحب تسمعها :
"يارب ما تحوجني لحد غيرك "

النهاردة، قريت آية فيها 5 كلمات .. بتقول :
" يُـعـطِي الجَـمـيع بِـسَـخَـاءٍ وَلا يُـعـيّـرُ "

يعني هو الوحيد اللي تُطلب منه براحتك
ولما يديلك اللي انت عايزه مَيذلّكش !
الوحيد اللي تقف قدامه بدموعك وانت مش مكسوف ولا مذلول
الوحيد اللي تبيّن قَدامه ضعفك ومش حاسب هو هيشوفك إزاي !

تُطلب منه رزق، يبعتهولك وميذلّكش بيه !
مَيقولّكش :"انا شغلتك، انا عملتك.. لولا أنا"

تُطلب منه طفل، يدهولك وميذلّكش !
تُطلب منه دوا ، يدهولك ومياخدش حقه !
تُطلب منه حقك يرجعهولك، وميذلّكش
ويقولك انا جبتلك حقك اهو .!
تطلب منه حنيّة، يديلك بكتير وميذلّكش !
تطلب منه حُب ، يبعتهولك وميذلّكش !

تفضل تطلب منه طول الوقت
وتاخد منه بسخاء ..
وعُمره ما يذلّك ويخليك تحس بالندم والحوجة !

أطلبوا منه علشان هو بس اللي لا يُعيّر أحدًا .!