منتدى الفرح المسيحى - كلمات شهيرة للمسيح بس الحقيقة بقيت محتاجة نعيشها

https://upload.chjoy.com/uploads/170989185723621.jpg

زمان كنت بتجنن من بنتي... ليه بقى!
بنبقى لسه بنفطر وتسألني الغدا إيه النهاردة؟
يا بنتي ده لسه الأكل في بقك!
الموضوع كان بيغظني جدًا ويضايقني جدًا الصراحة!
وساعات كان بيحسسني بالتقصير!
ومرة قررت أقولها يا حبيبتي هو أنتي عمرك مالقتيش غدا
، عمرك مرة جعتي ومالقتيش أكل! عمرك نمتي من غير عشا؟

ممممم بس خلاص

ده اللي عايز أقوله النهاردة وأقوله ليّ قبل أي حد
من يومين كنت متوترة من حاجات كتير مش عارفة أدبر للبيت الأكل
وساعتها أفتكرت كلمات الرب يسوع لما قال كده:
فلا تهتَمّوا قائلينَ: ماذا نأكُلُ؟ أو ماذا نَشرَبُ؟
أو ماذا نَلبَسُ؟ فإنَّ هذِهِ كُلَّها تطلُبُها الأُمَمُ. لأنَّ أباكُمُ السماويَّ يَعلَمُ أنَّكُمْ تحتاجونَ إلَى هذِهِ كُلِّها.
... فلا تهتَمّوا للغَدِ، لأنَّ الغَدَ يَهتَمُّ بما لنَفسِهِ. يَكفي اليومَ شَرُّهُ.

كلمات شهيرة للمسيح. بس الحقيقة بقيت محتاجة نعيشها
مش بس نرددها
عشان كده بقيت بقول الكلام اللي كنت بقوله
لبنتي لنفسي قبل أي حد!
لا تهتموا للغدا
لا تهتمتوا للعشا
لا تهتموا لمصاريف المدرسة
لا تهتموا لمخزون الأكل
لا تهتموا للبس
..........
لا تهتموا للغد