منتدى الفرح المسيحى - صوت هادئ خفيف

https://upload.chjoy.com/uploads/170902865803281.jpg

مشهد التجلي مشهد مُبهر، مليان حضور إلهي.. كان الهدف منه "له اسمعوا"مرقس ٩
إيليا لما أدرك الصمت فهم إن دي بداية سماع صوت الله في الصوت الخفيف..

موسى لما كلم جيل جديد قال: "
"فَكَلَّمَكُمُ الرَّبُّ مِنْ وَسَطِ النَّارِ وَأَنْتُمْ سَامِعُونَ صَوْتَ كَلاَمٍ
، وَلكِنْ لَمْ تَرَوْا صُورَةً بَلْ صَوْتًا. (التثنية ٤: ١٢)
وهنا في أولوية لسماع الصوت.. الاستماع مختلف
كل الاختلاف عن حاسة السمع..

الاستماع هو محاولة لتسكيت كل الأصوات المزعجة
اللي حوالينا عشان نسمع ونصغي لله..

الاستماع هو وجه العملة التاني للطاعة
، لو ركزت هتلاقي نفسك قادر تطيع ربنا اكتر لما تقعد وتسمعه اكتر...

الاستماع هو فعل تواضع، فيه باسيب أفكاري ومهاراتي في الكلام وأقرر أصغي باهتمام..

الاستماع هو جزء من التمثل بالمسيح ، يسوع كان بيصغي للكل..

الاستماع دايما بيجي من قلب بيحب الله بجد
.. قلب بيقول: تكلم يارب، لأن عبدك سامع.."