منتدى الفرح المسيحى - لكن تعال وضع يدك عليها فتحيا

https://upload.chjoy.com/uploads/170889424946781.jpg

لما بنتعب ويزيد الحمل في أوقات الأزمات اللي بنواجها
، أحيانًا بنجري ندور على حلول سريعة وجاهزة
علشان المشكلة تتحل ونخرج من اللي إحنا فيه
وكأننا عايزين نحلها بشاطرتنا لوحدنا ..
أوقات بننسى نجري عليه ونطلب رحمته ومساعدته
مع أنه هو بس اللي ليه حتى ف الموت مخارج..

وده فكرني بمعجزة إقامة ابنه يايرس..
الأب كان عنده إيمان حقيقي وقوي تجاوز كل اليأس -
مع أنه كان واحد من رؤوساء المجمع وكان عنده نفوذ ومال
- لكن كان مصدق وواثق أن كل اللي بنته محتاجاه
في الوقت ده هو يسوع ....

وبالرغم من الزحمة وضيق الوقت
وحتى لما جُم وقالوله خلاص بنتك ماتت
.. قال للرب كده في متى ١٨:٩
"لكِنْ تَعَالَ وَضَعْ يَدَكَ عَلَيْهَا فَتَحْيَا"
يسوع يقدر يحي اللي مات، يقدر يحيني..

ساعدني يارب مااستسلمش
إدينى إيمان يتجاوز اليأس
خلينى واثقة فى كلمتك ومعجزاتك لحياتي 💜