منتدى الفرح المسيحى - عزائنا الوحيد أنه الله يري

https://upload.chjoy.com/uploads/170872666156321.jpg

من فترة كان عندي جرح في وشي مش أنا اللي أتسببت فيه
، أنا فاكرة كويس لما روحت للدكتورة
وقالتلي هناخد العلاج وهنصبر مش أقل من شهر عشان نشوف النتيجة
( الشفا بياخد وقت ) …
صوتها في الجملة دي لسه بيرن في ودني👆🏻

مش قادرة أنسى وقفتي قدام المراية لما رجعت البيت
وأنا باعيط وأدبدب في الأرض وأصرخ عايزة وشي يرجع
زي الأول زي ما كان من غير ما أستنى كل المُدة دي ..

من وقتها كل يوم بأقف قدامها وأقول لنفسي
" أصبُري ، أنا عملت كل اللي عليّ الباقي
مش هعرف أعمل فيه حاجة " 😭

وإحنا منقوعين جوه إناء الغليان ومفتوحة علينا نار
الإنتظار على أحمى درجة
عزائنا الوحيد أنه " الله يري " .. 😊

وقت انتظارك اللي فيه ما باليد حيلة،
ويمكن بتعاني لوحدك وماحدش حاسس بيك
ثقتي وثقتك أنه " الله يري ، الله يري ، الله يري " ♥️
مَتَّى ٦: ٨ "لِأَنَّ أَبَاكُمْ يَعْلَمُ " ..