منتدى الفرح المسيحى - تقدر تقول الكلمات دي مع حبقوق

https://upload.chjoy.com/uploads/170698667808641.jpg

زمان وأنا في سن جامعة كنت دايمًا أسمع وعظات
عن حبقوق اصحاح ٣ والآيات الشهيرة دي👇
"فمَعَ أنَّهُ لا يُزهِرُ التّينُ، ولا يكونُ حَملٌ في الكُرومِ.
يَكذِبُ عَمَلُ الزَّيتونَةِ، والحُقولُ لا تصنَعُ طَعامًا. يقطع
الغَنَمُ مِنَ الحَظيرَةِ، ولا بَقَرَ في المَذاوِدِ، فإنّي أبتَهِجُ بالرَّبِّ
وأفرَحُ بإلهِ خَلاصي. الرَّبُّ السَّيِّدُ قوَّتي، ويَجعَلُ قَدَمَيَّ كالأيائلِ
، ويُمَشّيني علَى مُرتَفَعاتي"
وكنت بصراحة بيني ما بينكم بحس أنها كلمات أوفر أوي مش منطقية...
وتلف الأيام وأقول لكم الحق.. مش لاقي أي حاجة تعبر عن حالتي دلوقتي وعن الظروف اللي بمر بيها أد الآيات دي🫣
الغريب والأغرب أنه معرفش إزاي الآيات دي
بتوصف الوضع الحالي اللي بنمر بيه ببراعة فائقة
"فمَعَ أنَّهُ لا يُزهِرُ التّينُ، ولا يكونُ حَملٌ في الكُرومِ.

يكذب عَمَلُ الزَّيتونَةِ، والحُقولُ لا تصنَعُ طَعامًا
. يَنقَطِعُ الغَنَمُ مِنَ الحَظيرَةِ، ولا بَقَرَ في المَذاوِدِ،"...
طبق ده على كل اللي حاصل حواليك... هتلاقيه متفق جدًا جدًا..👌

لكن حبقوق بيكمل النُص التاني اللي بيقول واقع تاني
هو عايشه بالرغم من الواقع اللي بيمر بيه الكل: فمَعَ أنَّهُ ....
. فإنّي أبتَهِجُ بالرَّبِّ وأفرَحُ بإلهِ خَلاصي. الرَّبُّ السَّيِّدُ قوَّتي،
ويَجعَلُ قَدَمَيَّ كالأيائلِ، ويُمَشّيني علَى مُرتَفَعاتي" 😊

تقدر تقول الكلام ده وتعيشه النهاردة؟
أنك تفرح بالرب وسط كل الظروف. وتبتهج بيه.
وتعدي بيه فوق كل الصعب وكل المرتفعات وكل التحديات!
تقدر تقول الكلمات دي مع حبقوق؟!