منتدى الفرح المسيحى - زوادة اليوم: الخير والشرّ 2024/1/29

زوادة اليوم:
الخير والشرّ
https://upload.chjoy.com/uploads/170642199174731.jpg

بيخبّرو عن شبّ إجا لعند المرشد الروحي لحتّى يسترشد، وقلّو :

«حابب خَبرك عن صراع عَم بيدور بداخلي وعَم يهلكني.
. عندي كلبَين عم يتصارعو، بِقلبي وبِعَقلي.
. واحد بيجرّني إعمُل إشيا غلط، والتاني بيمنعني إعمل الغلط».

سألو المرشد :

«وأيّ واحد عَم يربح»؟

جاوب بِحكمة كتير كبيرة :

«اللّي عَم غَذّيه أكتر».

الزوّادة بتقلّي وبتقلّك :

ما فينا نربح معركتنا ضد الخطيِّة
إذا كنّا عم نغذّيها بِشَتّى أنواع الشهوات اللّي منسمحلها تتغلغل فينا.

لحتّى إرادة الخير اللّي فينا تنتصر،
لازم نغذّيها بالصلاة وبِروح الله، والله معك