منتدى الفرح المسيحى - إشبع من مراحمه

https://upload.chjoy.com/uploads/170604422318411.jpg

يو سف اتربى في بيت مفيهوش أمان وكله حسد مكايد
يعبيص اتولد في ظروف كلها حزينة مالهوش دخل فيها
يوشيا اتولد في بيت شرير.. أبوه وجده من أشر الملوك

كل واحد منهم عاش وضع مش هو اللي اختاره ولا ليه دخل فيه..

كل واحد فيهم شال شيلة مالهوش دخل فيها..

بس كل واحد فيه إختبار نعمة محدش إختبرها تأتي غيرهم..
كل واحد فيهم شاف إله كل مراحم في حياته بشكل مبهر..

بالرغم من مرارة الألم.. قسوة الظروف.. إرتباك وأسئلة مالهاش إجابات..
لكن فيه واقع تاني كان متحضر ليهم..
فيه حكمة بترتب.. ونعمة بتقود وإيدين بتسند وتشجع..
وأنفاس بتنعش أرواحهم..

باشجعك يا صديقي
لو لسه حابس نفسك جوة دايرة الشفقة على الذات.
. وإنك ضحية لظروف مالكش دخل فيها..
من فضلك بص بطريقة مختلفة.
. اسمح لنعمة الله تتعامل معاك.
. إشبع من مراحمه وخد جرعة جديدة وشدد عزيمتك..
وإعمل زي يعبيص وإطلب البركة.. وهتلاقيه يأتيك بما تسأل..

إله_كل_نعمة