منتدى الفرح المسيحى - زوادة اليوم : ليش الله عم يسمح بالآسي؟ 2024/1/20

زوادة اليوم :
ليش الله عم يسمح بالآسي؟
https://upload.chjoy.com/uploads/170564308394331.jpg

سألو الناس بادري بيو: يا ابونا ليش الله ما زال
هوي اله المحبة عم يسمح بالمآسي وعذاب الأبرياء؟
بقي بادري بيو ساكت ودمعو عيونو بعدين قلن:
الأم بتطرز وابنا قاعد حدا عا كرسي واطية
ما بيشوف الا قفا التطريز يعني تشابك الوان وخيطان.
لو كان قاعد بمطرح اعلى كان بيقدر يشوف التطريز
من الميلة المزبوطة وكان شاف الرسمة الحلوة بألوانا.
الزوادة بتقلي وبتقلك:
هيك نحنا قاعدين على الكرسي الواطية
وما عم نشوف الا قفا التطريز!
مش قاشعين مشروع الله الخلاصي والفرح اللي واعدنا فيه…
والله معكن