منتدى الفرح المسيحى

https://upload.chjoy.com/uploads/170565151900661.jpg

"لما سمع يسوع خبر موت يوحنا المعمدان على يد هيرودس،
كان حزين عليه رغم معرفته أن دي نهاية خدمة يوحنا وأنه تمم ارساليته..
يوحنا مكانش رجل عادي بالنسية للرب يسوع، كأنه أخوه ويمكن صديق طفولته، هو اللي مهد الطريق قدامه وهو اللي عمده في نهر الأردن..

وأنا فكرت كده لو كنت مكانه هتصرف إزاي؟
وممكن رد فعلي وقت موت شخص عزيز عليّ يكون إيه؟
يمكن أصرخ وأعيط واكتئب وأتذمر
وهيبقى رد الفعل ده طبيعي وعادي وحقي😞
تعالوا نشوف وسط المشاعر الحزينة
دي يا ترى يسوع عمل ايه؟ واتصرف إزاي ؟
يسوع رغم حزنه عمل حاجة مهمة جدًا يقول الكتاب المقدس
إنه انصرف إلى موضع خلاء منفردًا.. ( متى ١٤: ١٣)

لو بتمر بوقت فقد لشخص سواء بالموت أو السفر
أو لأي سبب وحاسس بألم ووجع نفسي، ده وقت مناسب،
صلي دلوقتي حالًا وخد تعزية من الله وسنده
هو هيمسح دموعك ويطبطب عليك..