منتدى الفرح المسيحى - رسالة إلي كل الامهات

https://upload.chjoy.com/uploads/170539851796521.jpg

ياريت وقت الإمتحانات مانمنعش أولادنا من الكنيسه

في أمهات كتير بتحرم أولادها من الكنيسه وقت
الإمتحانات ويقولوا الوقت بيضيع

بالعكس دا الوقت إللى لازم ناخد ولادنا ونروح الكنيسه
ويقولنا ربنا يسوع 😍♥️

"أَمَّا يَسُوعُ فَدَعَاهُمْ وَقَالَ: «دَعُوا الأَوْلاَدَ يَأْتُونَ إِلَيَّ وَلاَ تَمْنَعُوهُمْ، لأَنَّ لِمِثْلِ هؤُلاَءِ مَلَكُوتَ اللهِ." (لو 18: 16).

ونرفع ايدينا ونصلي معاهم ونقول يارب أقف
مع أولادنا وامسك ايديهم زي ما مسكت أيد بطرس لما قرب يغرق 🙏

علموا أولادكم ان مافيش حاجه مهما كانت تمنعنا عن الكنيسة
ويقولنا الكتاب المقدس 👇✨

"لكِنِ اطْلُبُوا أَوَّلًا مَلَكُوتَ اللهِ وَبِرَّهُ، وَهذِهِ كُلُّهَا تُزَادُ لَكُمْ." (مت 6: 33).

علموهم يحددوا أهدافهم وان قربهم من ربنا هينجح
أي طريق يمشوا فيه ...
والساعتين بتوع القداس مش هيعطلوا أولادنا ولا هايضيعوا وقتهم أبدا بالعكس خالص .. ويقولنا الكتاب المقدس

"يَدْعُونِي فَأَسْتَجِيبُ لَهُ، مَعَهُ أَنَا فِي الضِّيقْ، أُنْقِذُهُ وَأُمَجِّدُهُ." (مز 91: 15).

وإنما بركتهم عظيمه جداً وقوة المذبح إللى ولادنا
هيروحوا يقفوا قدامه ويصلوا بتغير وبتعمل معجزات