منتدى الفرح المسيحى - سيبها عليه وصدق فيه لأنه ماسك في إيديك

https://upload.chjoy.com/uploads/170501176161961.jpg

الوقت ده بقيت بشيل الهم كتير
وشايل هم بكره هيكون في إيه؟!
وياترى الأمور هتمشي كويس زى ما أنا عايز ولا هيحصل إيه؟!
بقيت خايف من المجهول
ومنزعج من الأخبار اللي كل يوم بقيت من سئ ل أسوأ
وفى وسط اللخبطة والقلق ده كله سمعت ترنيمة كلماتها بتقول:

(لستُ أدري ما يكون من حياتي في الغدِ… أعلمُ شيئاً يقيناً
… ربي ممسكٌ يدي)

وكأن ربنا رد على كل خوف وقلق وتساؤلات جوايّ…
ماتقلقش من بكره، أنا ماسك إيدك
وزي ما فضلت معاك أمين امبارح والنهاردة،
أنا مكمل السكة والطريق معاك 🙏

بشجعك ياللي قلقان وشايل هم بكره،
سيبها عليه وصدق فيه لأنه ماسك في إيديك 💜