https://upload.chjoy.com/uploads/170471536468671.jpg

فَقَالَ يَعْقُوبُ لِشَمْعُونَ وَلاَوِي:
«كَدَّرْتُمَانِي بِتَكْرِيهِكُمَا إِيَّايَ عِنْدَ سُكَّانِ الأَرْضِ الْكَنْعَانِيِّينَ
وَالْفِرِزِيِّينَ، وَأَنَا نَفَرٌ قَلِيلٌ. فَيَجْتَمِعُونَ عَلَيَّ وَيَضْرِبُونَنِي
، فَأَبِيدُ أَنَا وَبَيْتِي». (التكوين ٣٤: ٣٠)
ركز يعقوب نظره على شمعون ولاوي واللي عملوه
والنتايج اللي ممكن تترتب على اللي عملوه ، وبدأ يلومهم
، بدل مايحكم على ذاته بسبب وجوده في المكان ده من الاساس ،
فلولا انه استقر في شكيم ، ماكنش حصل لدينة كل اللي حصلها من ذل وهوان.
ساعات احنا كمان بنوقع نفسنا في الحزن والقلق
وصغر النفس بسبب سيرنا بعدم أمانة
، وبدل مانحكم على نفسنا بنلوم الظروف والناس.
عايزين نكون بنتعلم نحكم على حياتنا وطريقة تفكيرنا
وتعاملاتنا بناء ًعلى كلمة الله ، والله امين انه يساعدنا
ويرشدنا اننا نعيش صح لما يلاقي انه ده شوق قلوبنا
واننا عايزين نعمل كده بالافعال مش بس اشواق.