منتدى الفرح المسيحى - عمق الحب الإلهي

https://upload.chjoy.com/uploads/170467128146611.jpg

الحقيقة أنا مش قادر استوعب خالص … 🙄
عقلى البشري المحدود عاجز عن فهم العمق الحقيقى
الكامل لميلاد المسيح على الأرض!
الله، الأبدى الأزلى السرمدي، خالق الكون، صانع السماء والأرض
، الصانع كل الأشياء بكلمة قدرته، إله الدهر، خالق أطراف الأرض،
الذي خلق الكون من العدم، الذي قال: "ليكن نور، فكان نور".
هذا الإله الذي وضع حدودًا للكواكب والبحار والمحيطات
الذي خلق كل الكائنات ونفخ فيها نسمة حياة من إنسان وحيوان ونبات🌴
إزاى هذا الإله، كلي الوجود، كلي القدره، كلي الجبروت،
يقبل يتولد على كوكب صغير، ضئيل الحجم بالنسبة للفضاء الشاسع
، ويأخد جسد إنسان ضعيف ويتولد في حظيرة مواشي،
بين القش ووسط الحشرات والروائح الكريهه😑
بدون إكرام، بدون صخب، بدون احتفالات!
كل ده علشان مين؟؟
علشانى أنا؟
إنسان خاطى ضعيف مايستاهلش؟؟!
إيه المحبة دي؟ إزاى عظيمة كده؟
حقيقي مش قادرأستوعبها! شيء أقرب للخيال منه للحقيقة!
بس الحقيقة إنها الحقيقة😍
الله خلقني على صورته وكشبهه، وحبني
ولما فسدت وسقطت مع باقي بني جنسي البشري،
خطط لخلاصي بس مش من بعيد، مش من أعلى سماه،
لكن الإنسان غالي قوي عنده
لدرجة إنه اختار يجي لحد عنده ويزوره على الأرض.
ده حتى زار بلدي! ده كان فى المطرية
وعدى على المعادي ومصر القديمة! يا له من امتياز
ويا لها من نعمة!
يارب… ساعدني🤲
فى وسط الصخب والزحمة واللمة اركز معاك
واحتفل حقيقي بميلادك اللي فعلًا مجيد!
وإلهم ذهني الضعيف إنه يحاول يستوعب
بُعْد جديد عن مجد التجسد وعمق الحب الالهى💜