منتدى الفرح المسيحى - زوادة اليوم: تقييم لسنتنا : 2 / 1 / 2024 /

زوادة اليوم:
تقييم لسنتنا
https://upload.chjoy.com/uploads/170417653391021.jpg
ب اول هالسنة الجديدة لازم نعمل تقييم لسنتنا و نشوف شو بدنا نحسن و نغير. هالشي منسميه فحص ضمير! و هالشي يا اصحابي مش بس للعيد!و باقي الايام عا شو عم ببني مستقبلي و قراراتي؟كيف بدي اعرف الله شو بدو مني؟ كل مسيحي مدعو يعمل فحص ضمير كل يوم قبل ما ينام. منتذكر بهالنهار مع مين حكينا و مين شفنا، مين زعلنا، مين راضينا، عا مين كذبنا، كيف تصرفنا بقلب عيلتنا، بأي نفسية تصرفنا مع اصحابنا و الناس اللي حولنا ،قديش من هال 24 ساعة عطيت من وقتي لربي و غيرا اسئلة كتير اذا جاوبنا عليها بكل صدق بيننا و بين حالنا منكون نجحنا بفحص الضمير! بس اللي طموحو اكبر من النجاح و طالب التفوق عندو خطوة زيادة: من بعد فحص الضمير بيجي فعل التوبة و كل ما نتوب بتبيض صفحتنا و منبلش عن جديد! و يسوع بدو كلنا نكون متفوقين بهالفحص و عطانا كتاب نلحق تعليماتو تا نأكد خلاصنا و نحجز محلنا بالسما هوي الانجيل...اليوم كلنا مدعوين نرجع نقرا احداث حياتنا و نفرزها و نروح عا كرسي الاعتراف نقدم تقريرنا و اللي سأل كيف منوصل عالسما منقلو هيك و بس هيك بتوصل عالسما!
انشالله سنة خير عليكن جميعا .