منتدى الفرح المسيحى - كل حد فينا جواه حزن مستخبي

https://upload.chjoy.com/uploads/170417401530921.jpg

كل حد فينا جواه حزن مستخبي .
. و احداث محفوره جوانا بألمها و وجعها و تفاصيلها !!

أوقات كتيره ممكن نضحك و نتكلم و بنعدي يومنا بس
اول ما نكون لوحدينا ، كل الوجع اللي في الدنيا يطلع
دموع تنزل تغسل قلبنا وتوجعه برضو ..

اللي بيتوجع كتير في حياته تلاقيه كتوم ، صبور ...
بيحب الوحدة ..، ضحتكه مالية وشه ساعات بس مطفيه بيخبي
بيها وجعه ، لكن لو بصيتو ف عينيه هتلاقو دموع محبوسة...

الغريب بقا ان الناس دى بيبقوا سند لناس كتير حواليها
بيعرفوا يطيبوا الخاطر وسند وضهر لأي حد ،
ويفرحوا الزعلان و يراضوا المقموص بيستجدعوا مع كل الناس
، بيكونوا مصدر بهجه و سعادة للكل الا نفسهم
، ف خلينا عارفين ان مش كل الى بيضحك مبسوط !! 🖤