منتدى الفرح المسيحى - شيطان النقمة و ملاك النعمة

https://upload.chjoy.com/uploads/170362659437211.jpg

شيطان النقمة و ملاك النعمة.
سمعت عن شيطان النقمة ؟؟
ده شيطان يخليك تنسى نعم ربنا عليك، او تشوف حتة منها و تنسى اغلبها ..
مثلا ، تشوف شغلك متعب
، و تنسى أن فيه ناس من غير شغل اصلا ، و تتمنى تشتغل ربع شغلك..
و تشوف أولادك متعبين، و اشقياء ، و تنسى تشكر الله عليهم
، و ان فيه غيرك محروم من الخلفة ..
تشوف عيوب شريك حياتك ، و تنسى كل مميزاته و سنده فى حياتك ..
تشوف اهلك متسلطين ، و تنسي حبهم و تضحيتهم علشانك ..
تشوف ان بيتك ناقصه كتير ، و تنسى أن اصلا عندك سكن ساتر عليك و على اسرتك ..
تشوف ان بلدك كلها عيوب ، و تنسى الأمان اللى ربنا ممتعك بيه فيها
، و ان بلاد كتير حواليك متدمرة حرفيا ..
شيطان النقمة يخليك تنسى تشكر على اللى عندك،
و تتذمر على اللى مش عندك ..
و ملاك النعمة يفكرك دايما باللى عندك و تبقى فرحان و راضى و متهني..