منتدى الفرح المسيحى - ماتشكش أبدًا فيه ولو هاجمك إبليس بشكوكه

https://upload.chjoy.com/uploads/170328499670251.jpg

كلنا عارفين قصة أيوب والمعاناة اللي حصلت له
، وصبره على كل البلاوي دي،
دا إحنا حتي بنضرب بيه المثل في الصبر..
لكن عارفين في كل مرة كنت بقرا فيها القصة
، كانت بتوقفني الأية دي:

أَلَيْسَ أَنَّكَ سَيَّجْتَ حَوْلَهُ وَحَوْلَ بَيْتِهِ
وَحَوْلَ كُلِّ مَا لَهُ مِنْ كُلِّ نَاحِيَةٍ؟ (أيوب ١: ١٠)

دي الجملة اللي قالها الشيطان لله
عشان يسمح له يختبر بيها أيوب،
حتى الشياطين عارفه إنه الله مش بيسيب أولاده
وحاميهم وعشان كده طول الوقت بيحاولوا يشككونا
في صلاح الله وقدرته..
ودا بيحصل لما بنتعرض لمواقف صعبة ومؤلمة ..

لكن حابب أشجعك النهاردة وأقولك هو مسيج حواليك،
وعلى كل بيتك وكل اللي ليك، هو إله الصلاح والحب
، ماتشكش أبدًا فيه، ولو هاجمك إبليس بشكوكه
، قول له، إلهي إله الأمانة، وأنا مصدق فيه..💜