منتدى الفرح المسيحى - الخادم الشاطر هو اللى يبعد خدمته عن أى خلاف

https://upload.chjoy.com/uploads/170259257621221.jpg

الخادم الشاطر هو اللى يبعد خدمته عن أى خلاف ♥️
بلاش تخلى عدو الخير يضحك عليك لأنه بيعرف نقطة ضعفك أي كانت ويستخدمها
يجي يقول لك الاولاد الصغيرين متعبين جداً وانت ايه إللي يخليك تستحملهم وتتعب نفسك
و يحط التاتش بتاعه بين الخدام وتحصل مشاكل علشان كله يهرب ونسيب الخدمه
مهما كانت الطريقه إللي بيحاربك بيها أمسك في الخدمه أكتر 👌
افتكر ان موسى لما ربنا اختاره علشان يروح ويتكلم مع فرعون...
. موسى كان عارف بضعفه وقال له انا مين انا علشان اروح اتكلم مع فرعون انا مش بعرف اتكلم
"فَقَالَ مُوسَى لِلرَّبِّ: «اسْتَمِعْ أَيُّهَا السَّيِّدُ، لَسْتُ أَنَا صَاحِبَ كَلاَمٍ مُنْذُ أَمْسِ
وَلاَ أَوَّلِ مِنْ أَمْسِ، وَلاَ مِنْ حِينِ كَلَّمْتَ عَبْدَكَ، بَلْ أَنَا ثَقِيلُ الْفَمِ وَاللِّسَانِ»." (خر 4: 10).
ولكن يقولوا أذهب وانا معك 😍
ولما اختار أرميا للخدمه من قبل ما يتولد وقال له قبلما صورتك في البطن
عرفتك وكان رقيق جداً وبيخاف ولكن يتكلم الرب ويقول له👇🥰
"لاَ تَخَفْ مِنْ وُجُوهِهِمْ، لأَنِّي أَنَا مَعَكَ لأُنْقِذَكَ، يَقُولُ الرَّبُّ»." (إر 1: 😎.🤷
وكمان يقول له جعلتك اليوم مدينه حصينه وعمود حديد ..
. فيحاربونك ولا يقدرون عليك لاني معك يقول الرب 😍
دي وعود تدينا ثقه إننا مش لوحدنا واننا مش بنعمل بايدينا
ولكن بقوة رب الجنود أنزل الخدمه
وهو عارف اننا ضعفا جداً وبسطا ومن غيره نغرق في شبر ميه
وعلشان كده هو اختارنا علشان نمجد اسمه
وهو قادر أن يعطينا نعمه وقوه حتى نعمل ونثمر في حقل الخدمه 🙏♥️