منتدى الفرح المسيحى - فينا روح من روح ربنا فبنحاول في اللي نقدر عليه

https://upload.chjoy.com/uploads/170221856523281.jpg

الحياه فيها تعب كتير
ارهاق كتير
حاجات تقيله وعفيه
كام وجع
على كام ظلم
على شوية كتار من الفقد
على فرص متاخره
وكام اذيه من ناس كانوا عندك غاليين
حبة ضغوطات بتوع مسؤوليات عليك
كومة شغل على نفسك

دول ☝️ موجودين عندنا كلنا بنسب مختلفه
متعبين؟ اه
مرهقين؟ اه
تقال؟ اه جدا
نعمل ايه طاب؟
نعمل ٣ حاجات
١- نحاول نغير اللي يتغير، ونخفف اللي يتخفف، ونبعد اللي يتبعد عنه
٢- نشوف الحلو والموجود والمميز والجميل
والخير اللي حوالينا عشان ده هيساعدنا نعدي في التقيل
٣- نسلم لله اللي مش قادرين عليه
نسلم ان في حاجات هاتفضل واحنا اللي هانتشكل عشان نعرف نعديها
نسلم ل في حاجات هاتفضل كده ونلف من الناحيه التانيه
جمبها عشان نعرف نكمل
نسلم للي حاولنا فيه كتير ومش جاي
نبكي ونتعب ونتالم ونعترض ونزعل ونتمنى… بس واحنا واعيين اننا محدوددين والدنيا كبيره
محدودين والحياة مليانه باللي اكبر مننا
الحاجه الحلوه اللي تطمن
اننا مش متسابين احنا مش لوحدنا
وان كمان لينا حبايب غاليين
وان فينا روح من روح ربنا فبنحاول في اللي نقدر عليه
بس كده 😊…