منتدى الفرح المسيحى - شكرًا يارب إنك أصلا مش بتشوفني وحش

https://upload.chjoy.com/uploads/170162969876421.jpg

يارب أنا تعبت من كتر الأصوات المدفونة جوايا عن نفسي..
ماحدش يعرف عنها حاجة وأنا إللي بصارع فيها لوحدي،
يمكن تبان في تصرُفات للناس إللي حواليا وده بيضايقني
بس أنا جايلك عشان تعلمني
علمني بحكمة وبحقيقية أتعامل مع كل صوت
بيقول إني فاشل ومش هعرف ومش هقدر أعمل،
كل صوت بيقول إن مش كفاية، إني ضعيف،
مش محبوب، إني وحش آوي لدرجة إن بستخبى من الناس😢
خليني أشوف نفسي بعينيك إللي دايماً بتشوفني بحُب وقبول
وشكرًا يارب إنك أصلا مش بتشوفني وحش😊
ينفع_تصليها
الصلاة