منتدى الفرح المسيحى - مراية السوشيال ميديا كدابه

https://upload.chjoy.com/uploads/170098842994741.jpg

مفيش شك أن السوشيال ميديا ليها فوائد،
سواء في الأخبار أو التواصل أو حتى فايدة الروحية
والدليل البوست اللي بتقراه حاليا 🤷‍♂️
لكن كمان ليها سلبيات كتير، ومن ضمنها
إنها زودت إحباط الإنسان، ورفعت من منسوب
تذمره، ونشرت أمراض الدونية والوحدة والاكت.ئاب.
زمان كان الإنسان بيفرح لما يجيب نتيجة حلوة
ف دراسته، أو يعمل حاجة مفيدة في صنعته، 💉🩺
ويشعر بالنجاح وتحقيق الذات.. لكن دلوقتي
بمجرد ما يشارك إنتاجه على السوشيال ميديا
يفاجأ بالتريقة.. أو يلاقي مُغني جاهل واقف
قدام عربياته الفاخرة ويقول:
شغلي عملي كده.. انت شغلك عملك إيه؟
علشان كده.. ماتشوفش نفسك من خلال
مراية السوشيال ميديا المزيفة ❌
لكن جدد ذهنك بكلمة ربنا اللي شايفك
من مراية رحمته وحبه.. واللي ليه
مقاييس تانية عن النجاح.. زي ما بيقول بولس الرسول:
"وَلاَ تُشَاكِلُوا هذَا الدَّهْرَ،
بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ" (رو12: 2)
اتشجع