منتدى الفرح المسيحى - علمني الخضوع والطاعة وإحترام الكبير

https://upload.chjoy.com/uploads/170091248551311.jpg

✨الخضوع

+ ثُمَّ نَزَلَ مَعَهُمَا وَجَاءَ إِلَى النَّاصِرَةِ وَكَانَ خَاضِعًا لَهُمَا.
. (لوقا ٢: ٥١)
- عجبني أوي وفارق معايا يسوع ..
وهو عنده 12 سنه في الهيكل كان بيعلم ويشرح ويرد على أسئلة الكهنة
ومُعلمي الشريعة لدرجة الكتاب المقدس قال👇
"وَكُلُّ الَّذِينَ سَمِعُوهُ بُهِتُوا مِنْ فَهْمِهِ وَأَجْوِبَتِهِ. (لوقا ٢: ٤٧)"

- ورغم ده كله ومع أنه عارف هو مين كويس "الله الظاهر ف الجسد"
لكنه خضع لأمه وليوسف لدرجة أن ف الترجمة يقول
رجع معهم إلى الناصرة وعاش تحت سُلطتهما ..

- أوقات لما نخدم ونتحرك
وربنا يستخدمنا تلقائي بيرمي إبليس جوانا
" أنا كبير"
أنا إيه اللي يخليني أخضع للكبير ..
وأوقات الموضوع يتسرب للبيت " الأهل مش فاهمين زيي"
"مخرجوش ولفوا زيي أنا بفهم أحسن" ..

يسوووع وهو الله الظاهر في الجسد علمنا "نخضع" ..

يارب علمني الخضوع والطاعة وإحترام الكبير .
.. حتى لو الكبير مش فاهم زيي 🙏🫶