منتدى الفرح المسيحى - مش بطعم الموت

https://upload.chjoy.com/uploads/17007296489931.jpg

الروح محتاجة لروح ترد فيها الروح!!

العبارة دي بتتلامس مع احتياجك
لما تكون حاسس إن روحك مُنهكة أو مستنزف
ولو فاقد القدرة على المواصلة والإنجاز في حياتك

نفسي أقولك إنه مهما لجأنا لبعض عشان نشحن بعض
فبطاريتنا محدودة..!

لكن في مشهد قديم ربنا أخد حزقيال النبي
ووراه حفرة ملآنة عظام لناس حياتها انتهت بالفعل
وبمجرد ما تنبأ عليهم فَدَخَلَ فِيهِمِ ٱلرُّوحُ،
فَحَيُوا وَقَامُوا عَلَى أَقدَامِهِمْ جَيْشٌ عَظيمٌ جِدًّا جِدًّا ( حزقيال ٣٧: ١٠)

أنت مدعو النهاردة تختبر حياة حقيقية مش عيشة بطعم موت!
يقدر ينعشك ويملاك بقوة مختلفة مصدرها شخصه ويشحنك بحبه وكلامه طول السكة..
فتكمل طريقك بقوة وأنت مسنود عليه😊

اطلب من روح الله ينفخ فيك نسمة حياة و يجدد طاقتك
تُرْسِلُ رُوحَكَ فَتُخْلَقُ، وَتُجَدِّدُ وَجْهَ ٱلْأَرْضِ.