منتدى الفرح المسيحى - متقلقش ربنا مش هيسيبك تغرق في أفكارك

https://upload.chjoy.com/uploads/170043100376641.jpg

إصرارك على معرفة ربنا ربنا مش هيسيبك
عمر ما ربنا هيسيبك تبحر كده فى أفكارك وتغرق فى أفكارك وعدو الخير يستغل الفرصة دى
متقلقش .. وقت ما تكون عايز تعرف عنه قوله عايز أعرفك
وقت ما تقوله إظهرلي ذاتك قوله أنا عايز أشوفك جوايا عايز أشوفك فى حياتى
عايزك تستخدمني فى علاقاتي مع الأخرين
عايزك تستخدمني فى بيتي .. أنا يارب فى بيتى مش زى برة خليك صريح معاه
قوله يارب أنا ممكن أكون سمعتى حلوة برة وبتكلم عنك حلو برة بس فى بيتى مش كويس
أنا عايز أعرفك جوة بيتى أعَرف كمان بيتى كله عنك
على رأى تماڤ إيرينى كانت تقول كلمة جميلة من الرائع أن نُكلم الناس عن الله
ولكن من الأروع أن نُكلم الله عن الناس
إنك تقف وتكلم ربنا عن أشخاص وبالأخص أهل بيتك
ويبقى ربنا هو رقم 1 فى بيتك .. ورقم 1فى قلبك ..
متقلقش .. ربنا مش هيسيبك تغرق في أفكارك 😇