منتدى الفرح المسيحى - خليها دايمًا علي لسانك وفـ قلبك |أنْتَ هُوَ رَجائى وحَظّى فى أرْضِ الأحْياءِ

https://upload.chjoy.com/uploads/170026702831771.jpg

فيه آية جميلة جدًا عايزك تصاحبها وتقولها دايمًا وقت ما تتوجع وتحس انك لوحدك .!
بتقول :
أنْتَ هُوَ رَجائى وحَظّى فى أرْضِ الأحْياءِ ❤️
تخيل بقي..!
وسط كل اللي بتعاني منه في حياتك
يكون هو أعظم انتصاراتك في الدنيا.. بين كل البشر والأشياء
فـ لو كل الناس سابوك واتخلت عنك
هو رجاءك .. ومُعزي أوجاعك
بل هو كل سبب السعادة لـ قلبك
داود الملك في شكواه وإحساسه بالعُزلة والوحدة
قاله : يارب .. ليس من يسأل عن نفسي .!
كان إحساس مؤلم جدًا..
ورغم انه ملك عظيم وحواليه ناس كتير
كان حاسس في عز وجعه ان مفيش حد حاسس بيه !
علشان كدة مش هتلاقي ملجأ بشري تخبي فيه أوجاعك
وتبوح بيها من غير كسوف غير حُضنه .. مفيش غيره !
وإن كان ميراثك هو ربنّا
فـ إيه اللي هتحتاجه تاني من الدنيا !
خليها دايمًا علي لسانك وفـ قلبك :
أنْتَ هُوَ رَجائى وحَظّى فى أرْضِ الأحْياءِ ❤️